اللاذقية… دفء الأمواج وسحر المكان
غصن عبد الحميد شريقي 🗣️
لما منقول "اللاذقية" يعني البحر،
يعني الجبل المتآخي مع البحر،
يعني الغابات، الجبال، والخضرة،
يعني ريحة الضيعة والشجر،
يعني كسب، وسلمى، وسهرات الصيفية الحلوة،
يعني البسيط، البدروسية، العيساوية، وأم الطيور.
لما منقول "اللاذقية"،
يعني فنجان القهوة على شط البحر،
يعني الكنافة السخنة، والمعمول بالجبن،
والمطر اللي بينزل ليغسل مدينة لَمّت تحت جناحها كل الطوائف والأديان.
اللاذقية… اللي رغم كل الظلم،
وقفت بوجه النظام وقالت "لا"،
وكانت الملجأ الآمن لأهل المحافظات الثانية وقت الحرب.
لما منقول "اللاذقية"،
يعني الصمود،
يعني "العنقاء" اللي من تحت الرماد رح ترجع أقوى من قبل،
بهمتنا، بهمتكم، وبهمة الصالحين من أبناء الوطن.
اللاذقية أمانتنا…
ورح نرجع نزرع غاباتها.
